پیرس: دنیا کے 10 آلودہ ترین شہروں میں وطن عزیز کے 3 شہروں کو بھی یہ اعزاز حاصل ہے۔
عالمی ادارہ صحت کی ایک رپورٹ میں دنیا کے 10 آلودہ ترین شہر کی فہرست جاری کی گئی ہے جن میں 4 ایرانی شہر، 3 پاکستانی، 2 بھارتی جب کہ منگولیا اور بوتسوانا کا ایک ایک شہر شامل ہے۔ عالمی ادارے کی رپورٹ میں ایران کے صوبہ قوزستان کا دارالحکومت آہواز فضائی آلودگی کے حوالے سے دنیا کاسب سے آلودہ ترین شہر قرار دیا گیا ہے جب کہ دوسرے نمبر پر منگولیا کا شہر الان بتور اور تیسرے پر ایران کا ہی شہر سنانداج ہے۔
رپورٹ کے مطابق بھارتی شہر لدھیانہ اور کوئٹہ میں فضا میں موجود آلودگی کی شرح برابر ہے جس کی وجہ سے دونوں شہر مشترکہ طور پر دنیا کے چوتھے آلودہ ترین شہر ہیں۔ فہرست میں موجود 2 دیگر پاکستانی شہروں میں پشاور کا چھٹا اورلاہور کا دسواں نمبر ہے۔
0 comments:
Post a Comment